einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3599 knabe, nû rîtet gote ergeben."sîner gâbe was er vrô: wider umbe rîten begunde er dô: von vreuden was im vil gâch. Êrec reit müezeclîchen nâch. 3604 nû ersach in sîn herre und erkande in verre, wan er was vür daz bürgetor gegangen: dâ saz er vor. vil michel wunder in des nam 3609 daz er sô schiere wider kam, und vrâgete in mære wes daz ros wære daz er dâ vuorte an der hant. vil schiere tete er im erkant 3614 die rede an ein ende gar. er sprach: "herre, nû nemet war wâ si zuo iu rîtent: nû enweiz ich wes ir bîtent daz ir nû niht zer strâze gât: 3619 ir missetuot ouch, ob irz lât. |